DETEKTORLARI
Yanğın detektorları bizim üçün görünməyən qəhrəmanlarıdır, hansı ki bizi potensial fəlakətlərdən qoruyur. Gözlənilməz yanğınlara qarşı bizim ilk müdafiə xəttimizdir bu detektorlar və çox gec olmadan bizi təhlükə barədə xəbərdar etməyə qadirdirlər. Bəs bu cihazlar tam olaraq nədir və necə işləyirlər? Gəlin yanğın detektorlarının növlərinə və onların işləmə mexanizmlərinə daha yaxından nəzər salaq.
Yanğın detektorları nədir?
Yanğın detektorları tüstü, istilik və ya yanğının mövcudluğunu müəyyən etmək üçün nəzərdə tutulan xüsusi elektron cihazlardır. Adətən tavanlarda və ya hündür divarlarda quraşdırılır. Bu da insanları vizual və ya səsli siqnallar vasitəsilə yanğın təhlükəsi barədə xəbərdar edir.
Yanğın detektorlarının müxtəlif növləri vardır:
- Tüstü detektorları
- Temperatur detektorları
- Alov detektorları
- Qaz detektorları
Tüstü detektorları
Tüstü detektorları yanğın detektorlarının ən çox yayılmış növüdür. Onlar ilk növbədə iki üsuldan istifadə edərək işləyirlər: ionlaşma və fotoelektrik aşkarlama.
İonlaşma tüstü detektorları elektrik yükü daşıyan bir cüt plitə arasında az miqdarda radioaktiv maddə saxlayır. Bu quraşdırma ionlaşmış hava cərəyanı yaradır. Tüstü kameraya daxil olduqda isə, bu cərəyanı pozaraq həyəcan siqnalını işə salır.
Fotoelektrik tüstü detektorlarında işıq mənbəyi və işıq sensoru istifadə olunur. Tüstü kameraya daxil olduqda, o, işıq şüasını səpələyir, daha sonra sensor tərəfindən aşkarlanır və həyəcan siqnalını işə salır.
Temperatur detektorları
İstilik detektorları yaxınlıqdakı temperatur əvvəlcədən müəyyən edilmiş həddən yuxarı qalxdıqda aktivləşirlər. Temperatur əvvəlcədən təyin edilmiş sürətdən daha sürətli qalxarsa, detektor həyəcan siqnalını işə salır.
Alov detektorları
Alov detektorları yanğın zamanı yayılan ultrabənövşəyi (UV) və ya infraqırmızı (İQ) radiasiyanı hiss edərək alovun mövcudluğunu aşkar etmək üçün hazırlanıb. Onlar adətən alovların erkən aşkarlanmasının vacib olduğu yüksək riskli ərazilərdə istifadə olunur.
Qaz detektorları
Qaz detektorları havadakı zərərli qazları aşkar edən cihazlardır. Qaz detektorları erkən xəbərdarlıq etməklə sağlamlıq risklərinin, partlayışların və yanğınların qarşısını alır.
Yanğın detektorları tüstü, istilik və ya alov kimi yanğın əlamətlərini hiss edərək, sakinlərə xəbərdarlıq etmək üçün həyəcan siqnalı işə salmaqla işləyir.
Tüstü Detektorları: Tüstü zərrəciklərini ya ionlaşmadan və ya fotoelektrik sensorlardan istifadə edərək aşkar edilir.
İstilik detektorları: Sabit həddə və ya sürətli yüksəlişdə temperaturun əhəmiyyətli dərəcədə artdığını hiss etdikdə işə düşür.
Alov detektorları: Yanğın zamanı yayılan ultrabənövşəyi (UV) və ya infraqırmızı (İQ) radiasiyanı aşkar edərək alovu müəyyən edir.
Qaz detektorları: Qaz detektorları, qazın həcmini ölçür və müəyyən səviyyəyə çatdıqdan sonra işə düşərək xəbərdarlıq edir.
Nəticə olaraq, yanğın detektorları bizim təhlükəsizliyimiz üçün çox vacibdir. Tüstü, istilik və ya alov kimi yanğının ilkin əlamətlərini hiss edərək, xilasımızı asanlaşdırır. Etibarlı yanğın detektorlarına sərmayə qoymaq və onlara düzgün qulluq etmək əslində özümüzə yəni sağlamlığımıza sərmayə qoymaq deməkdir. İnsan həyatı çox dəyrərlidir. Dəyərəinizi bilin.
